Fjölskylduhátíð Tjarnarinnar

Tjörnin hefur undanfarin ár alltaf boðið upp á fjölskylduhátíð í vetrarfríum grunnskólanna og var þetta árið engin undantekning þar á. Í Vesturbænum var frítt í sund fyrir alla aldurshópa og gestum boðið að taka þátt í spurningakeppninni Synt og svarað. Efnilegir plötusnúðar úr félagsmiðstöðinni Frosta sáu einnig um að stemmningin væri góð. Með þessu öllu var boðið upp á kaffi, kleinur og djús.

Austar í borginni í Spennistöðinni við Austurbæjarskóla var líka góð dagskrá þar sem gestum og gangandi var boðið upp á kaffi, djús og bragðbættar furðuvöfflur. Einnig var boðið upp á föndursmiðju og að nýta muni félagsmiðstöðvarinnar eins og til dæmis borðtennis og pool. Að auki var frítt fyrir alla aldurshópa í sund í Sundhöll Reykjavíkur. Mjög vel var mætt á báða staði og vonum við að gestir hafi haft gaman af þessum degi.