Kökukeppni Frosta

19. apríl síðastliðinn var haldin árlega kökukeppni Frosta fyrir 5.-7. bekk. Þáttakan var mjög góð enda til mikils að vinna. Keppt var í 4 flokkum: Frumlegasta kakan, best hannaða kakan, besta nafn á köku og besta bragð. Það reyndist dómnefndini mjög erfitt að skera úr um sigurvegara í hverjum flokka, en það var greinilegt að keppendurnir lögðu mikla vinnu og ástríðu í kökurnar sínar. Ljóst er að það leynast fjölmargir bakarameistarar í Vesturbænum og er mikill spenningur fyrir næstu kökukeppni.