Starfsdagur unglingastarfs í haustfríi

Haustfríið var vel nýtt hjá starfsfólki unglingastarfs Tjarnarinnar.

Fyrir helgi var haldin fjölskylduhátíð Tjarnarinnar og svo var mánudagurinn nýttur í starfsdag þar sem starfsfólk sat meðal annars fræðslu hjá Þórhildi Elínardóttur Magnúsdóttur, sérfræðingi í málefnum hinsegin fólks hjá Reykjavíkurborg. Þar talaði Þórhildur meðal annars um bakslagið í hinsegin baráttunni, orðræðuna og hvernig við getum brugðist við henni.

Einnig var farið í umræður og hópavinnu um hvernig skuli bregðast við alls konar uppákomum sem gætu komið upp í starfinu okkar. Það er nefnilega ótrúlega mikilvægt að viðhalda góðri fræðslu og halda umræðunni gangandi á okkar starfsvettvangi. Þannig eflumst við í starfi og erum betur í stakk búin til þess að bregðast við.