Félagsmiðstöðvadagurinn í Gleðibankanum
Félagsmiðstöðvadagurinn var haldinn hátíðlegur í Gleðibankanum miðvikudaginn 18. október.
Markmið félagsmiðstöðvadagsins er að vekja athygli á því mikilvæga og uppbyggilega starfi sem fram fer í félagsmiðstöðvum fyrir börn og unglinga og bjóða gestum að kynnast því.
Að þessu sinni var 5.-10. bekk boðið að koma á sama tíma en það er algjörlega misjafnt hvernig þessu er háttað hverju sinni. Það var margt um manninn og mikil stemning.
Gleðibankinn bauð upp á kleinur, kaffi, kakó og piparkökur. Einnig var farið í spurningaleik um Gleðibankann sjálfan, þar sem gestum gafst kostur á að fræðast um Gleðibankann í leiðinni.
Við í Gleðibankanum viljum þakka ykkur sem komuð , kærlega fyrir komuna.