Fréttir úr Frosta

Það hefur verið mikið líf og fjör í Frosta síðustu vikur eftir stutta skerðingu á starfsemi okkar í kringum páskafríið vegna samkomutakmarkana. Í unglingastarfinu höfum við brallað ýmsilegt,  héldum glæsilegt borðtennisbót, buðum upp á kökur og heitt súkkulaði á kakóhúsi Frosta og áttum notalegar stundir í Trúnó. Trúnó er vinsæll viðburður í Frosta þar sem unglingunum gefst tækifæri á að spurja nafnlausra spurninga um lífið og tilveruna og taka svo þátt í umræðum um málefnin ásamt starfsfólki Frosta. Þessa dagana erum við svo með þemavikur í 10-12 ára starfinu. Í apríl eru í boði spila, feluleikja, bíó og boltavikur og hefur verið mikil stemning á opnunum. Við erum farin að njóta vorsins og munum með hækkandi sól halda fleiri útiviðburði og njóta saman!