Febrúar í Gleðibankanum
Dagskrá febrúar mánaðar í Gleðibankanum er klár og er mikið um dýrðir.
Hæst ber að nefna skíðaferð Gleðibankans, 100og1 og Hundraðogfimm sem farin verður dagana 9.-10.febrúar og er ferðinni haldið í Bláfjöll. Þar munum við skíða saman, borða saman og halda kvöldvöku, svo eitthvað sé nefnt.
Einnig er hin árlega Vika 6 á dagskrá en í þeirri viku er starfsfólk grunnskóla og félagsmiðstöðva borgarinnar hvatt til að setja kynheilbrigði í forgrunn og bjóða upp á fjölbreytta kynfræðslu.
Jafnréttisskóli Reykjavíkur stýrir Viku6 en unglingar borgarinnar kjósa þema á hverju ári. Unnið er útfrá hugmyndum um alhliða kynfræðslu. Þemað að þessu sinni er samskipti og sambönd. Á dagskrá í Gleðibankanum verður kökukeppni og þemað er auðvitað Vika 6, spurningakeppnin Giskaðu betur og svo munum við horfa á þættina Heartstopper.
Við erum spennt fyrir þessum mánuði!