Skíðaferð Frosta

Frosti skellti sér til Dalvíkur í sína árlegu skíðaferð helgina 23.-24. febrúar. Rútan brunaði með spennta skíðagarpa beint í Böggvisstaðafjall, þar sem þau létu slæmt skyggni ekki á sig fá og skíðuðu til lokunar. Mörg hver voru að stíga sín fyrstu skref í skíðaklossum og tóku þau miklum framförum enda skíðasvæði Dalvíkur mjög byrjendavænt.

Frosti gisti í félagsmiðstöðinni Dallas, sem bauð uppá allskyns afþreyingu á borð við pool, playstation og síðast en ekki síðst pac-man vél, þar sem nýtt Frosta met var sett (39.000 stig).  Þau buðu Frosta með sér  í sundlaugapartý, þar sem krakkarnir fengu að fara í laugina eftir lokun og blanda geði við jafnaldra sína úr plássinu.

Að baki er einstaklega vel heppnuð skíðaferð og þakkar starfsfólk Frosta hópnum fyrir góðar stundir og skemmtilegar minningar í bankann! Þau voru til algjörrar fyrirmyndar og við hlökkum strax til næstu ferðar!