3. sæti á hönnunarkeppninni Stíl!

Þann 27. janúar síðastliðinn var hönnunarkeppnin Stíll haldinn, þar keppti lið félagsmiðstöðvarinnar 105 og Háteigsskóla. Keppt er í hárgreiðslu, förðun og fatahönnun út frá ákveðnu þema sem er ákveðið af ungmennaráði Samfés, í ár var þemað Steampunk.

Markmið Stíls er að hvetja unglinga til listsköpunar og um leið gefa þeim aukin tækifæri til frumlegrar hugsunar og virkja sköpunarhæfileikana. Keppnin vekur jákvæða athygli á því hvað unglingar eru að gera á sviði sköpunar, gefur þeim kost á að koma hugmyndum sínum á framfæri og sýna afrakstur margra mánaða undirbúningsvinnu hópsins. Í Háteigsskóla er fyrirkomulagið þannig að nemendur geta valið sér Stíl sem valáfanga sem er undir umsjón textílkennara skólans og fer fram skipulag í samstarfi við félagsmiðstöðina.

Á deginum sjálfum skila hóparnir hönnunar möppu, sem útskýrir hugmyndina á bakvið hönnunina, með teikningum, efnisprufum, kostnaðarupplýsingum og ljósmyndum af flík, hári og förðun. Keppendur leggja mjög mikinn metnað í verkefnið og eru búningar hannaðir af hópunum fyrirfram. Lið 105 og Háteigsskóla samanstóð af Áslaugu Svövu Helgadóttur, Magnúsi Sigurði Jónassyni, Þórhildi Árnadóttur og Lúkasi Loga Grétarssyni. Liðið lenti í þriðja sæti og erum við ótrúlega stolt af þeim! Hér má sjá myndir af ferlinu.

Áfram Háteigsskóli!