Ungmennaráð Vesturbæjar, Miðborgar og Hlíða hélt vel heppnað málþing í Ráðhúsi Reykjavíkur

Ungmennaráð Vesturbæjar, Miðborgar og Hlíða- UVMH bauð unglingum í Reykjavík á málþingið Upp upp mín sál í Ráðhúsi Reykjavíkur í dag. Málþingið fjallaði um geðheilbrigði unglinga og fór þátttakan langt fram úr björtustu vonum. Tjarnarsalur ráðhússins var þéttsetinn af unglingum sem komu víðsvegar að úr borginni til að fræðast um þetta mikilvæga málefni og eiga saman góða stund. Þátttakendur hlýddu á áhugaverð erindi og ræddu að því loknu saman í umræðuhópum. Frístundamiðstöðin Tjörnin óskar ungmennaráðinu innilega til hamingju með gríðarlega vel heppnaðan viðburð. Það verður gaman til að fylgjast með þessum öfluga hópi ungmenna í framtíðinni!