Félagsmiðstöðvadagurinn í Frosta

Félagsmiðstöðvadagurinn var haldinn hátíðlegur í Frosta miðvikudaginn 18. október. Markmið dagsins er að vekja athygli á því mikilvæga og uppbyggilega starfi sem fram fer í félagsmiðstöðvum fyrir börn og unglinga og bjóða gestum að kynnast því. Á félagsmiðstöðvadaginn fögnum við starfinu sem styður við félagsfærni, sköpun og óformlegt nám.

Frosti var með opið hús tvisvar yfir daginn fyrir 10-12 ára- og unglingastarfið. Börnunum og unglingunum var boðið að taka með sér gesti og var húsið troðfullt af fólki frá eftirmiðdegi og fram eftir kvöldi!

Frosti bauð upp á köku, ávaxtabar, spurningakeppni og svo bauðst gestum og gangandi að prófa allt það sem félagsmiðstöðin hefur uppá að bjóða.

Starfsfólk Frosta var í skýjunum með daginn og þakka öllum sem kíktu við og fögnuðu með okkur deginum kærlega fyrir komuna.