Fjölmennt á félagsmiðstöðvadeginum

Félagsmiðstöðvadagurinn var haldinn miðvikudaginn 13. nóvember síðastliðinn. Þetta er í 9. sinn sem haldið er upp á félagsmiðstöðvadaginn en þá er foreldrum og forsjáraðilum boðið að koma í heimsókn í Frosta ásamt börnum sínum og unglingum. Með þessu gefst foreldrum tækifæri á því að kynnast umhverfi barna sinna betur.

Frosti bauð upp á stútfulla dagskrá á sinni opnun en þar var hægt að prufa allt það helsta sem félagsmiðstöðin hefur upp á að bjóða. Gestir gátu spreytt sig í billjarð, borðtennis, spurningakeppninni Kahoot!, foosball og ruslskoti svo eitthvað sé nefnt. Einnig var boðið upp á kleinubar sem er nýjung í íslenskri matargerð.

Markmið félagsmiðstöðvadagsins er að fá foreldra til þess að kynnast starfi krakkana og starfsfólkinu. Starf félagsmiðstöðva hafa ríkt forvarnargildi og með þátttöku í starfinu aukast líkurnar á því að ungmenni velji sér heilbrigðan lífsstíl og forðist áhættuhegðun. Yfir 200 manns mættu í Frosta á miðvikudaginn og var frábært að sjá hversu margir foreldrar sáu sér fært að mæta.