Rafrænar félagsmiðstöðvar fyrir 13-16 ára

Unglingarnir í Tjörninni hafa undanfarnar vikur tekið þátt í rafrænum félagsmiðstöðvum í gegnum samfélagsmiðla. Virkilega góð þátttaka hefur verið og ótrúlega skemmtilegt að nýta tæknina í skipulagðar frístundir og samveru.

Í 105 eru allskyns nýjungar í bland við klassíska viðburði í gangi þessa vikuna. Eins og sjá má hefur 105 búið til twitch reikning þar sem þau geta streymt tölvuleikjum, unglingarnir tekið virkan þátt og þau spilað saman.

Í Gleðibankanum eru áfram áskoranir og allskyns skemmtilegir viðburðir á samfélagsmiðlum. T.d. var málað málverk live á instagram þar sem unglingarnir gátu haft áhrif á útkomu verksins með því að senda inn tillögur að því hvað væri málað.

Þau í Frosta bjóða upp á marga skemmtilega viðburði eins og hvísl keppni og giskaðu á hljóðið. Eins gott að vera með góða hátalara eða heyrnatól fyrir þá viðburði.

100&1 er margt skemmtilegt að gerast. Sem dæmi má nefna ógeðisdrykkinn. Virkilega fyndinn og skemmtilegur viðburður þar sem unglingarnir gátu valið hráefni í ógeðisdrykk fyrir starfsfólkið til að smakka.

Þessi vika er búin að vera frábær og erum við einstaklega þakklát fyrir hvað þátttakan hefur verið gríðarlega góð í rafrænu félagsmiðstöðvunum okkar.