Fjölskyldan saman í vetrarfríinu
Starfsfólk frístundamiðstöðvarinnar Tjarnarinnar stóð fyrir fjölskyldudagskrá í vetrarfríinu, þriðjudaginn 21. febrúar. Á Klambratúni var í boði að fara í hinn geysivinsæla leik Kubb. Einnig var í boði að fara í listasmiðjur á Kjarvalstöðum en draumfangarasmiðja, skartgripagerð og grímugerð vöktu mikla lukku hjá gestum og gangandi. Í frístundamiðstöðinni sjálfri sem staðsett er í Frostaskjóli 2 var svo ratleikur en þeir sem spreyttu sig á honum þurftu meðal annars að ná mynd af svörtum ketti, volvo og hópnum mynda mannlegan pýramída. Einnig var hægt að spila og föndra með loom-teygjur. Starfsfólk Tjarnarinnar þakkar fyrir góðan dag.
Nýlegar færslur