Innritun barna í frístundaheimili, taka tvö
Taka tvö í innritun í frístundaheimili fyrir skólaárið 2017/2018!
Innritun á frístundaheimili, sem átti að hefjast 15. febrúar en frestaðist vegna tæknilegra örðugleika, fer af stað í fyrramálið. Til þess að minnka álagið á kerfinu hefur verið brugðið á það ráð að opna innritunina í tvennu lagi. Fyrra hollið, sem hefst kl. 8:20 í fyrramálið 22. febrúar er fyrir börn sem eru að fara í 1. bekk. Seinna hollið, sem hefst kl. 8:20 fimmtudaginn 2. mars er fyrir börn sem eru að fara í 2.- 4. bekk. Foreldrar sem verða með börn í 1. bekk og 2.-4. bekk skólaárið 2017/2018 þurfa því að skrá börnin sín í tvennu lagi.
Við bendum foreldrum á að hægt er að hafa samband beint við frístundaheimilin, Tjörnina eða þjónustuver Reykjavíkurborgar í síma 411-1111 til að fá leiðbeiningar við að skrá börnin.
Foreldrum komandi 1. bekkinga bendum við á að áður en sótt er um dvöl á frístundaheimili þurfa börn að vera skráð rafrænt í viðkomandi grunnskóla og foreldrum komandi 2.-4. bekkinga að umsókn um frístundaheimili gildir fyrir eitt skólaár í senn og því þarf að endurnýja umsókn fyrir barnanna fyrir komandi skólaár.