Miðlalæsisvika í Frostheima

Við erum komin af stað inn í fyrstu þemaviku ársins 2019, en hún er helguð miðlalæsi. Í vikunni ætlum við að æfa okkur í að vera gagnrýnin á það sem við horfum á, lesum og heyrum. Það er mikilvægt fyrir börnin að æfa sig í að taka ekki öllu sem gefnu og getur verið virkilega valdeflandi að geta hugsað um hluti á gagnrýnin hátt og spurt spurninga út í það sem þau sjá, lesa og heyra frá allskonar miðlum.

Nú þegar erum við byrjuð að ræða á samverustundum um hvaðan við fáum upplýsingar og hverjir búa þær til – og í hvaða tilgangi. Við skoðum sérstaklega auglýsingar og gefum börnunum skemmtilegt verkefni til að nota næst þegar þau fara með ykkur út í búð. Eftir vikuna ættu allir að vera búnir að fá smá kynningu á þessu og kannski sumir búnir að gera eitthvað extra sem tengist miðlalæsinu.