Úrslit í Frostheimar got talent

Undanfarnar vikur hafa Frostheimabúar æft fyrir hæfileikakeppnina Frostheimar got talent. Dóra J. var börnunum til halds og trausts á meðan á æfingum stóð og svo fóru fram tvær undankeppnir hér í Frostheimum þar sem fimm atriði komust áfram í úrslitin.

Úrslitakeppnin fór fram síðastliðinn mánudag í sal Tjarnarinnar en þar kepptu tvö söngatriði, tvö dansatriði og eitt tónlistaratriði. Það var til mikils að vinna en sigurvegari Frostheima got talent fær að velja hvað er í hressingu í Frostheimum einu sinni og að fara í Ísbúð Vesturbæjar með Dóru J. og velja sér ís að eigin vali.

Sirrý Inga bar sigur úr bítum í keppninni með einlægu og flottu söngatriði og óskum við henni til hamingju!