Nýstofnað foreldraráð félagsmiðstöðva Tjarnarinnar
Foreldraráð félagsmiðstöðva Tjarnarinnar var stofnað fyrir nokkrum mínútum. Á myndinni eru fulltrúar frá fjórum af fimm félagsmiðstöðvum Tjarnarinnar. Sérstök athygli er vakin á því að hinn karlmaðurinn sem sat fundinn þurfti að rjúka rétt áður en myndin var tekin.
Markmið foreldraráðsins er:
* Umsagnir. Gefa ráðgefandi umsagnir um einstaka þætti starfsemi félagsmiðstöðvanna eftir því sem þurfa þykir. Ýmist að frumkvæði ráðsins eða að beiðni félagsmiðstöðvanna.
* Aðhald og stuðningur. Veita félagsmiðstöðvum aðhald og stuðning í ákvarðanatöku og stefnumótun. T.d. með því að vekja athygli á jákvæðum fréttum um starf félagsmiðstöðvanna.
* Tengiliður. Tengiliður félagsmiðstöðvanna við foreldrasamfélagið.
Allar upplýsingar um starf ráðsins birtast á tjornin.is. Sæti í foreldraráðinu eiga allir áhugasamir foreldrar barna/unglinga í 5.-10. bekk í Hlíðum, Miðborg og Vesturbæ.