Fjölmenningarvika í Frostheimum og vetrarleyfi

Vikuna 6. – 10. febrúar var Fjölmenningarvika Frostheima. Við hófum vikuna á því að hengja upp heimskort í Kaffiheimi og kynna þema vikunnar. Frostheimabúar og starfsfólk sem eiga rætur sínar að rekja til annarra landa fengu að setja límmiða á viðkomandi land, og í sumum tilfellum lönd, og er heimskortið því vel skreytt límmiðum í dag. Alla vikuna var margt skemmtilegt í boði og meðal þess sem stóð uppúr voru tungumála-smiðjurnar.

Í Eldheimum var boðið upp á spænskusmiðju og ítölskusmiðju en þar töfruðu Frostheimabúar fram rétti frá þessum löndum og smökkuðust þeir mjög vel ! Þeir sem völdu sér þessar smiðjur sem og sænskusmiðjuna lærðu svo nokkur orð í tungumálunum og fræddust um löndin. Við enduðum svo skemmtilega viku á fjölmenningarlegu danspartýi í Íþróttaheimi þar sem var að vanda mikið stuð! Fréttaklúbburinn var á ferðinni í vikunni og fylgdist vel með því sem fram fór og stefna á að gefa út blað á næstu dögum.

Á mánudaginn og þriðjudaginn í næstu viku (20. og 21.febrúar) er vetrarleyfi í skólunum og lokað hjá okkur í Frostheimum. Á þriðjudeginum verður Fjölskyldudagskrá í Vesturbænum sem verður nánar auglýst síðar 🙂