Félagsmiðstöðvadagur 2018 í Hofinu!
Miðvikudaginn 14. nóvember verður haldið upp á Félagsmiðstöðvadaginn í félagsmiðstöðvum um allt land.
Í tilefni dagsins verður opið hús í Hofinu milli kl. 16:00 og 18:00, og langar okkur að bjóða fjölskyldum barna og unglinga í Hofinu velkomin í heimsókn.
Á staðnum verður hægt að skoða myndir úr starfinu auk þess sem ýmis afrakstur klúbbastarfs Hofsins verður til sýnis.
Svo verða auðvitað kökur og kaffi á boðstólum og mikið fjör!
Þetta er frábært tækifæri fyrir foreldra, systkini, ömmur, afa og bara alla til þess að koma í Hofið og auka samveruna, kynnast starfsfólkinu og kynna sér starfið.
Við hlökkum til að sjá sem flesta hér í Hofinu næsta miðvikudag!