Fjölmiðlalæsisvika í Frostheimum

Þessa vikuna var fjölmiðlalæsisvika hjá okkur hér í Frostheimum. Við veltum fyrir okkur spurningum á borð við hvað eru fjölmiðlar og hvaða áhrif gætu snapchatstjörnurnar haft á okkur og okkar kauphegðun? Við skoðuðum myndir sem teknar hafa verið í matvörubúðum til að sjá hvaða vörur eru í okkar augnhæð og horfðum jafnframt á myndbönd sem auglýsa dót og vörur sem höfða til okkar.

Það sköpuðust skemmtilegar umræður þar sem mörg barnanna höfðu sögur að segja í tengslum við það sem við skoðuðum og ræddum. Einnig fengu foreldrar og forráðamenn sendar hugmyndir að því hvað væri hægt að ræða við börnin í tengslum við fjölmiðla og fjölmiðlalæsi.

Í valinu buðum við meðal annars upp á að horfa á alls kyns auglýsingar á youtube og velta þeim fyrir okkur og upp á Merkjakeppni (Logokeppni) en þar giskuðu börnin á það fyrir hvað ákveðin merki standa.