Stytting – Tjörnin

Fréttabréf um styttingu vinnuvikunnar

Nú styttist í að kosið verði um styttingu vinnuvikunnar á starfstöðum Tjarnarinnar. Kosningin mun hefjast mánudaginn 7. des og standa til fimmtudagsins 10. desember. Vinnutímahópur Tjarnarinnar hefur dregið saman tillögu um hvernig stytting vinuvikunnar gæti orðið að veruleika í Tjörninni. Mikilvægt er að hafa í huga að vinnutímahópurinn þurfti að gera ráð fyrir sjónarmiðum starfsmanna og einnig að gera ráð fyrir að ekki megi skerða þjónustu okkar mikilvægu þjónustuþega. Síðast en ekki síst mátti tillaga okkar ekki bera með sér neinn kostnað. Sjónarmið starfsmanna voru dregin saman í könnun og á umbótafundum sem fóru fram fyrir alla starfsmenn Tjarnarinnar.

Stytting vinnuvikunnar nær ekki til tímavinnustarfsfólks. Þau hafa því ekki kosningarétt.

Tillaga hópsins er svohljóðandi:

Hlutastarfsmenn í barnastarfi / Hofið : Dagleg stytting (starfsmenn fara fyrr heim eða mæta seinna miðað við hlutfallið sem að þeir eru í). Í sumarstarfi þarf útfærsla styttingar fyrst og fremst taka mið af þeirri þjónustu sem veita á börnum og unglingum.
Stjórnendur í barnastarfi: Vikuleg stytting (forstöðumaður, aðstoðarforstöðumaður og frístundafræðingur skiptast á að taka frí hálfan vinnudag) Í sumarstarfi þarf útfærsla styttingar fyrst og fremst taka mið af þeirri þjónustu sem veita á börnum og unglingum.
Stjórnendur og hlutastarfsmenn í unglingastarfi: Vikuleg stytting (Starfsmaður í samráði við yfirmann finna heppilegasta tímann miðað við þarfir starfsstaðarins og starfsmanns. Niðurstöður verða færðar inn í vaktatöflu og vaktarúllu. Um er að ræða vikulega styttingu en í einhverjum tilfellum verður styttingin tekin út á tveimur eða fleiri dögum hjá starfsfólki. Í sumarstarfi þarf útfærsla styttingar fyrst og fremst taka mið af þeirri þjónustu sem veita á börnum og unglingum.
Starfsfólk á skrifstofu: Vikuleg stytting (framkvæmdarstjóri, fjármálastjóri og deildastjórar skiptast á að taka frí hálfan vinnudag í viku þannig alltaf séu a.m.k. tveir í vinnu)

Hægt er að reikna styttingu vinnuvikunnar með formúlunni 240 (Mínútur) X % (0,4 t.d 40% vinnuprósenta)= 96 mínútur á viku

Ef tillagan er EKKI samþykkt styttist vinnutími starfsfólks sem nemur 13 mínútum á dag og hlé samkvæmt grein 3.1 í kjarasamningi gildi með sama hætti og áður.

Þá styttist vinnudagurinn um 13 mínútur hjá 100% starfsmanni, starfsmenn fá hlutfall af þeirri styttingu (13 min X starfshluttfall = stytting á dag) og halda sínu neysluhléum.

ATH : Engin starfsmaður verður fyrir skerðingu á réttindum sem þau hafa nú þegar.