Frostheimar koma vel út úr ytra mati
Frostheimar komu vel út úr ytra mati sem starfsfólk skóla- og frístundasviðs framkvæmdu ásamt Þóru Melsted í maí 2017.
Í matinu kom meðal annars fram að mikil jákvæðni ríki gagnvart stjórnendum og börn, starfsfólk og foreldrar í rýnihópum voru ánægð með samskiptin við þá.
Meginstef ytra mats á frístundastarfi er það sama og á öðrum stofnunum skóla- og frístundasviðs, að matið sé leiðbeinandi, framfara- og umbótamiðað og stuðli að betra skóla- og frístundastarfi.
Leiðarljós matsins er það sama og sviðsins í heild; að börnum og ungmennum í borginni líði vel, fari stöðugt fram og þau öðlist uppeldi og menntun fyrir líf og starf.
Hægt er að skoða ytra matið í heild sinni í hlekknum hér að neðan.