Valsvæði í Frostheimum

Home » Valsvæði í Frostheimum

Valsvæði Frostheima eru þónokkur og eru þau staðsett í stóra húsinu og húsunum fyrir aftan. Einnig nýtum við Frostheimaplanið, litla gervigrasið og skólalóð Grandaskóla í valinu okkar.

Á hverjum degi er það val sem er í boði skrifað á töfluna inni í Kaffiheimi og jafnframt settar merkingar á valtöfluna í anddyrinu þar sem Frostheimabúar velja sér valsvæði.

Kaffiheimur: Í Kaffiheimi er venjulega einn starfsmaður sem kennir spil og passar að allir séu með spilafélaga. Það eru 20-30 spilapláss í Kaffiheimi.
Í Kaffiheimi spilum við borðspil sem staðsett eru í spilahillunni okkar.

Bókasafn Frostheima: Á bókasafninu okkar er einn starfsmaður og 10-16 pláss. Eins og á öllum flottum bókasöfnum er úrval bóka á ýmsum tungumálum auk þess sem hægt er að nota heyrnahlífar við lesturinn.
Við erum með bók mánaðarins og bjóðum upp á skráningarmöppu þar sem hægt er að skrá hjá sér hvaða bók er verið að lesa og á hvaða blaðsíðu maður er.

Legoheimur: Í Legoheimi er einn starfsmaður og 16 pláss. Í Lego er frjáls leikur og sköpunina sína má geyma í hillunum út vikuna. Á föstudögum tökum við allt legoið saman og byrjum upp á nýtt á mánudögum.

Teiknihorn: Í Teiknihorni er einn starfsmaður og 16 pláss. Þar teiknum við frjálst, litum og vinnum með ýmiskonar þemaverkefni og föndur.

Perluheimur: Í Perluheimi er einn starfsmaður og 16 pláss. Þar er perlað allt frá litlum Minecraft fígúrum í stór perlusamvinnuverkefni.
Straudagar eru á þriðjudögum og föstudögum. Verkefnin sín má geyma út vikuna.
Við sturtum öllu ókláruðu á föstudögum og byrjum upp á nýtt á mánudögum.

Listaheimur: er staðsettur í stóra húsi og í Listaheimi er einn starfsmaður og um 12-14 börn. Þar er skapandi svæði þar sem unnið er með margs konar tegundir af málningu og ýmsar gerðir af öðrum efniviði sem listafólk Frostheima skapar ótrúlegustu listaverk úr.

Íþróttaheimur: þar er mikið stuð. Venjulega er einn starfsmaður og um 20 pláss. Við eigum stútfullt herbergi af alls kyns tækjum og tólum og fullt pokahorn af skemmtilegum leikjum.
Í íþróttaheimi er alltaf fyrir fram ákveðið hvaða leikir eru í boði auglýst er í valstund. Samvera fer einnig fram í Íþróttaheimi.(Fánana tvo eiga Taekwondo deild KR en þau eru með salinn fyrir æfingar seinnipart dags).

Kubbaheimur: er notalegt svæði í stóra húsinu þar sem er einn starfsmaður og 12-14 pláss.
Í Kubbaheim eru einingakubbar, kaplakubbar, pluskubbar, glerkúlur, trélest, dýr og bílar.
 Loftheimar: í Loftheimum er einn starfsmaður og 12-16 pláss í hvert skipti. Í Loftheimum föndrum við, gerum skartgripi, saumum bangsa, spilum Ævintýraspilið og gerum vinabönd svo eitthvað sé nefnt. Loftheimar eru húsið okkar númer 3.

Jarðheimar: eru staðsettir í húsi nr.2. Þar eigum við körfuboltakörfu, risa taflborð, Silvanian og playmobil. Þar er einn starfsmaður og 16 pláss. Frjáls leikur er allsráðandi í Jarðheimum en þar er einnig bíósvæðið okkar og á tyllidögum sýnum við bíómyndir og þá eru allt að 40 pláss í boði.

Eldheimar: Í Eldheimum, húsi nr.1 borða 4. bekkingar hressinguna sína.
Þar er einnig vinsælt valsvæði en í Eldheimum eru 1-2 starfsmenn og allt frá 12-20 pláss, allt eftir viðfangsefni dagsins. Við spilum bingó, spilum borðspil, gerum perluskálar og tröllaleir.
Í Eldheimum spreyta börnin sig einnig við bakstur og ýmsa eldamennsku.
Það leggur því oftar en ekki dásamlegan ilm frá Eldheimum

Sólheimar: Í Sólheimum sem staðsettir eru í einum af húsunum okkar er einn starfsmaður og 14 pláss. Þar eru allir búningarnir okkar, ýmsir fylgihlutir, búð, kubbasett og svið. Frjáls leikur er vinsælastur en stundum erum við með tískusýningar, setjum upp stutt leikrit, förum í látbragðsleik og leiklistarklúbbur hefur aðsetur í Sólheimum.
Við tökum alltaf við fleiri skemmtilegum flíkum í búninga safnið okkar

Jökulheimar: eru í sama húsi og skrifstofa okkar forstöðukvenna, staðsett við hlið Sólheima.
Í Jökulheimum er boðið upp á frjálsan lestur í frímínútur þegar veðrið er með vesen.
Þar er reglulega boðið upp á hlutverkaleikinn Varúlf og við notum Jökulheima sem valsvæði þar sem notalegt er að vera í litlu rými með um 10-12 pláss.
Þar ræður venjulega einn starfsmaður ríkjum.

Contact Us

We're not around right now. But you can send us an email and we'll get back to you, asap.

Ólæsilegt? Breyttu textanum. captcha txt