Vika 6 í félagsmiðstöðinni 105

Vika6 er sjötta vika hvers árs. Í þeirri viku er starfsfólk grunnskóla og félagsmiðstöðva borgarinnar hvatt til að setja kynheilbrigði í forgrunn og bjóða upp á fjölbreytta kynfræðslu. Er 105 þar engin undantekning og erum við með mjög skemmtilega og fræðandi viðburði á dagskrá okkar þessa vikuna.

Þema vikunnar í ár er kynferðisleg hegðun. Meðal þeirra viðburða sem að eru á dagskránni í viku6 í 105 eru kynfræðslu kahoot kvöld, Viku6-bollakökuskreytingar og Trúnó.

Þessa vikuna klæðist starfsfólk félagsmiðstöðva í Reykjavíkurborg bolum með qr-kóðum sem leiðir þau sem skanna kóðana inn á upplýsingasíðu um málefni sem rituð er á bolina, t.d. um nánd, frammistöðukvíða og fleiri hlutum tengdum kynferðislegri hegðun.

Gaman að taka þátt í þessari fræðandi og skemmtilegu dagskrá sem Vika6 hefur uppá að bjóða!