Söngkeppni Tjarnarinnar

Söngkeppni félagsmiðstöðva Tjarnarinnar fór fram með rafrænum hætti mánudaginn 26. apríl síðastliðinn. Samtals tóku sjö atriði þátt í keppninni þetta árið en keppnin er undankeppni fyrir söngkeppni Samfés. Tvö atriði voru kosin áfram í úrslit af dómnefnd.

Hekla Margrét Halldórsdóttir úr 9. bekk Háteigsskóla tók þátt og var hún á meðal þeirra tveggja atriða sem komust áfram á Söngkeppni Samfés í ár. Keppnin fer fram sunnudaginn 9. maí næstkomandi á Akranesi.

Við óskum Heklu innilega til hamingju og hlökkum til að fylgjast með henni um næstu helgi!