Skíðaferð Frosta 2023
Frosti fór í skíðaferð dagana 17.-18. Mars með 55 unglingum úr níunda og tíunda bekk í Hagaskóla.
Ferðin gekk ótrúlega vel og fengum við gott veður strax á leiðinni úr bænum. Hópurinn var ansi skemmtilegur og gekk vel að skíða í Hlíðarfjalli.
Þegar búið var að skíða á föstudeginum skelltum við okkur í sund og síðan var frjáls tími þar sem unglingarnir gátu fengið sér að borða. Um kvöldið var farið í leiki og svo að sofa.
Frágangur í Rósenborg gekk vel um morgunin þó þreytan hafi haft sín áhrif á framkvæmdirnar eins og eðlilegt er í svona mikilli fjörferð. Haldið var beint upp í fjall og klukkan 16:00 var stefnan tekin á Reykjavík. Starfsfólkið er ótrúlega ánægt með hópinn og vill þakka honum fyrir yndislega ferð!