Opið hús fyrir 4. bekk
Miðvikudaginn 20. janúar vorum við með fyrsta opna hús vetrarins fyrir öll börn í 4. bekk í Háteigsskóla, sem við köllum 104. 104 er þróunarverkefni Halastjörnunnar, þar sem við erum að kynna félagsmiðstöðvarstarfið fyrir börnunum í 4. bekk. Verkefnið hefur hins vegar legið í dvala sökum framkvæmda í Hvíta húsi og sóttvarnarreglna vegna covid. Verkefnið er unnið í samstarfi með félgasmiðstöðinni 105 og við leituðumst við að skapa félagsmiðstöðva stemmingu hjá krökkunum. Á staðnum voru því þrír starfsmenn frá Halastjörnunni og einn frá félagsmiðstöðinni 105.
Við héldum opnunarpartý í Hvíta húsi þar sem krakkarnir fengu snakk og hægt var að fara í karíókí og svo gátu krakkarnir tekið myndir á polaroid myndavél. Karíókíið var mjög vinsælt og þar var mikið dansað og sungið. Það var einnig verið að leika sér úti og inni í alls kyns leikjum og sumir nýttu tækifærið þar sem það mátti vera með síma og spiluðu Pokemon go með félögum sínum.
Nýlegar færslur