Hinsegin vika félagsmiðstöðva Tjarnarinnar!
Vikuna 10. – 14. október var haldinn hinn árlegi viðburður Hinsegin vika Tjarnarinnar og var mikið fjör í félagsmiðstöðvum Tjarnarinnar. Félagsmiðstöðvarnar halda Hinsegin vikuna hátíðlega á hverju ári með það að markmiði að auka sýnileika og fagna fjölbreytileika okkar allra. Á dagskrá hjá unglingunum var lifandi bókasafn í Spennistöðinni á mánudeginum þar sem Dóra Júlía og Mars Proppé komu og svöruðu spurningum frá unglingunum og tóku spjallið. Á þriðjudeginum horfðum við á Heartstopper og öll gæddu sér á kakó. Miðvikudagskvöldið var partý-karíókí í Spennistöðinni þar sem engin annar en Haffi Haff kom og stýrði fjörinu. Á fimmtudeginum föndruðum við hinseginfána sem prýða nú veggi félagsmiðstöðvanna. Við enduðum vikuna á drag-kvöldi í hverri félagsmiðstöð fyrir sig þar sem unglingar og starfsmenn fóru í drag og sungu og dönsuðu saman. Í 10-12 ára starfinu föndruðum við fána og skartgripi og fórum í karíókí! Skemmtileg og fræðandi vika að baki og að sjálfsögðu munum við í félagsmiðstöðvum Tjarnarinnar halda áfram að fagna fjölbreytileikanum og sýna stuðning í verki alla daga, allt árið um kring!