Frístundamiðstöðin Tjörnin stofnun ársins 2022

Við erum virkilega stolt af okkar mannauð og þeim starfsskilyrðum sem þeim tekst að móta.

Könnunin Sameykis nær til um 31 þúsund starfsmanna í opinberri þjónustu, bæði hjá ríki, Reykjavíkurborg, sveitarfélögunum og sjálfseignarstofnunum. Hún er unnin í samstarfi við Fjármála- og efnahagsráðuneytið og mannauðsdeildar Reykjavíkurborgar og gefur mikilvægar upplýsingar um stöðu starfsmanna á opinbera vinnumarkaðnum.

Spurt er út í níu þætti í starfsumhverfinu: trúverðugleika stjórnenda, starfsanda, launakjör, vinnuskilyrði, sveigjanleika í starfi, sjálfstæði í starfi, ímynd stofnunar, ánægju og stolt og jafnrétti.

Markmiðið með að velja fyrirmyndarstofnanir er að hvetja stjórnendur stofnana til að huga að mannauðsmálum og auka umræðu um aðbúnað og líðan starfsmanna á vinnustöðum.

Við óskum öðrum vinningshöfum hjartanlega til hamingju og þökkum Sameyki stéttarfélag í almannaþjónustu hjartanlega fyrir flottan viðburð og málþing.