Félagsmiðstöðvadagurinn í 105

Þann 18. nóvember síðastliðinn var hinn árlegi félagsmiðstöðvardagur haldinn hátíðlegur. Á þessum degi hafa félagsmiðstöðvar landsins haft þann sið að taka á móti fjölskyldum í heimsókn og kynnt störf sín í bland við skemmtilega dagskrá. Þar sem að ekki voru aðstæður til að fá fólk í heimsókn í félagsmiðstöðina þetta árið að þá var dagskráin með öðruvísi sniði að þessu sinni.

Í 105 voru haldnir stafrænir viðburðir fyrir miðstig, unglingastig og þeirra fjölskyldur.

Miðstig hittist á fjarfundi þennan daginn, spjölluðu saman og spiluðu Pictionary í gegnum vefheima. Stórskemmtilegur viðburður þar sem að mörg listaverkin litu dagsins ljós!

Um kvöldið var svo spurningakeppni haldin í fjarfundarformi á unglingastigsopnunartíma, þar sem allir fjölskyldumeðlimir voru velkomnir. Æsispennandi keppni átti sér stað þar sem að úrslit réðust ekki fyrr en í bráðabana.

Þrátt fyrir óhefðbundinn félagsmiðstöðvadag þetta árið að þá tókst afar vel til. Við hlökkum þó til að geta haldið hann með hefðbundnum hætti að ári liðnu.