Ballið byrjað í Undralandi
Nú er vetrarstarfið farið af stað. Fyrstu bekkingar eru búnir að vera í Undralandi í rúma viku og hafa gamlir meðlimir verið mjög hjálplegir við að sýna þeim í króka og kima frístundaheimilisins, ásamt því að ráðleggja um hvað sé skemmtilegast að gera.
Allir eru að læra eitthvað nýtt; börn, foreldrar og starfsfólk og hefjum við klúbbastarf á næstu vikum, svona þegar allt verður komið í fastar skorður. Við erum enn að skipuleggja svæðin okkar og rými, ásamt því að ráða inn nýtt starfsfólk. Það gengur hægt en örugglega og vonum við að allir sem sótt hafa um pláss verði komnir í Undraland innan skamms.
Næstu viðburðir á dagskrá:
Miðvikudagurinn 13. september kl. 17:00 -18:00: Foreldrakynning, starfið í Undralandi kynnt.