Connection Information

To perform the requested action, WordPress needs to access your web server. Please enter your FTP credentials to proceed. If you do not remember your credentials, you should contact your web host.

Connection Type

Valsvæði í Frostheimum

Forsíða / Valsvæði í Frostheimum

Valsvæði Frostheima eru þónokkur og eru þau staðsett í stóra húsinu og húsunum fyrir aftan. Einnig nýtum við Frostheimaplanið, litla gervigrasið og skólalóð Grandaskóla í valinu okkar.

Á hverjum degi er það val sem er í boði skrifað á töfluna inni í Kaffiheimi og jafnframt settar merkingar á valtöfluna í anddyrinu þar sem Frostheimabúar velja sér valsvæði.

 

Kaffiheimur: Þar snæða 3. bekkingarnir okkar hressingu en auk þess nýtum við Kaffiheim til þess að spila borðspil, en í Frostheimum ríkir mikil spilamenning.

  

 

Legóheimur og Kubbaheimur: Svæðin eru staðsett við hliðina á Kaffiheimi. Í kubbaheimi eru einingakubbar og kaplakubbar og þar rísa háir turnar og byggingar á hverjum degi. Í Legóheimi verða gjarnan til flott legóvélmenni, frumleg hús og fleira.

     

 

Þythokkí: Þythokkíborðið okkar er mjög vinsælt en það er staðsett í stóra húsinu.

 

Sófahornið: Í sófahorninu sem er staðsett í Kaffiheimi eru alls konar skemmtilegar bækur og syrpur. Þar er hægt að sitja og eiga notalega stund.

 

Teiknihorn: Það er staðsett í stóra húsinu, fyrir innan fataklefann. Þar fer fram skapandi vinna með blýöntum, tússlitum og trélitum en einnig nýtum við Teiknihorn til þess að kenna myndasögugerð.

Perluheimur: Er við hliðina á Teiknihorni og er rólegt og notalegt svæði. Þar ræður sköpunargleðin ríkjum og tvisvar sinnum í viku, á þriðjudögum og föstudögum, býðst Frostheimabúum að láta strauja perlulistaverkin sín og taka með sér heim.

Glerheimar: Eru á efri hæðinni í stóra húsinu. Rólegt svæði sem við nýtum fyrir Barnaráðsfundina okkar, klúbba og annað tilfallandi. Þar er einnig sjónvarp og fótboltaspil.

 

Íþróttaheimur: Er á efri hæðinni í stóra húsinu en þar fer fram skipulögð dagskrá með hinum ýmsu leikjum. Frelsisstöng er vinsæll leikur í Íþróttaheimi, en einnig höfum við boðið upp á jógakennslu, danskennslu, samvinnuleiki og fleira skemmtilegt.

Listaheimur: Er staðsett í stóra húsinu og við notum það svæði undir listasmiðju, að mála og aðra skapandi vinnu.

 

Húsin fyrir aftan :

Loftheimar: Fyrsta húsið á hægri hönd. Loftheimar eru aðsetur alls föndurs en þar er reglulega vinabandagerð, skargripagerð, bókamerkjagerð og alls kyns skemmtilegt föndur í gangi.

Jarðheimar: Annað húsið á hægri hönd. Þar erum við með sjónvarp og playstation tölvu og nýtum svæðið undir tölvuleiki og bíó. Einnig er ýmislegt skemmtilegt dót í Jarðheimum, t.d. Sylvanian, playmo og plúskubbar.

Eldheimar: Þriðja húsið á hægri hönd. Þar snæða 4. bekkingarnir okkar hressingu og eiga sína fatasnaga. Við notum Eldheima jafnframt undir allan bakstur og eldamennsku og bjóðum reglulega upp á það í vali.

Jökulheimar: Fyrsta húsið á vinstri hönd. Þar er skrifstofa Frostheima staðsett. Jökulheimar eru rólegt svæði og þar er hægt að leika sér með ýmislegt dót, púsla og hafa það notalegt.

Sólheimar: Annar skúrinn á hægri hönd. Þar erum við með leiklistarklúbb og á svæðinu er mikið af búningum, svið, margs konar heimilistæki og annað skemmtilegt sem þarf í góðan hlutverkaleik.

  

Contact Us

We're not around right now. But you can send us an email and we'll get back to you, asap.

Ólæsilegt? Breyttu textanum. captcha txt