Undirbúningur Jólamarkaðs í Frostheimum
Desember genginn í garð og undirbúningur fyrir Jólamarkað Tjarnarinnar er í fullum gangi hjá okkur í Frostheimum. Undanfarna daga og vikur hafa Frostheimabúar meðal annars föndrað, perlað og skreytt piparkökuhús fyrir markaðinn. Í ár styrkjum við Rauða Kross Íslands og fengum við kynningu á starfi þeirra í Malaví í gær.
Jólamarkaðurinn verður í Tjörninni (Frostaskjóli 2) á fimmtudaginn næstkomandi, 7. desember, frá klukkan 16 til 18. Við hvetjum alla til að mæta, styrkja gott málefni og gæða sér á piparkökum og heitu kakói 🙂
Við minnum svo á skráningu á heilu dagana í jólaleyfi skólanna, en skráningin fer fram á Rafrænni Reykjavík og lokar 15. desember.