Umhverfisverndarsinnar í 100&1

Hægt er að nýta félagsmiðstöðina í margt og er frábært að geta gefið þessum ungu umhverfisverndarsinnum vettvang til að sinna ástríðu sinni. Á 7.bekkjaropnun í gær (13.mars) nýttu þessar ungu dömur tækifærið og gerðu plaggöt fyrir Loftlagsverkfallið á morgun (15.mars). Við erum ofboðslega stolt af þeim að láta loftlagsmálin sig varða og er greinilegt að unga fólkið okkar er með sterka rödd þegar kemur að þessum málaflokki. Við í 100&1 viljum styðja þau og styrkja eins vel og við getum svo þau geti verið virkir þátttakendur í samfélaginu. Börnin eru framtíðin!