spennistodin

Spennistöðin er félags- og menningarmiðstöð íbúa Miðborgarinnar, fjölnotarými til kennslu í Austurbæjarskóla og aðsetur félagsmiðstöðvarinnar 100og1. Spennistöðin stendur á Barónsstíg 32, áföst við Austurbæjarskóla að sunnanverðu. Rekstur Spennistöðvarinnar er í höndum Skóla og frístundasviðs Reykjavíkurborgar en sérstakt húsráð er ráðgefandi um reksturinn og skipuleggur notkun hússins þann tíma sem ekki er nýttur fyrir skólastarf og opnunartíma félagsmiðstöðvar.

Spennistöðin

Bókaðu rými

Vilt þú fá afnot af Spennistöðinni?

Vilt þú fá afnot af Spennistöðinni?

 

Spennistöðin er allt í senn skólahúsnæði, félagsmiðstöð og félagsheimili íbúa í Miðborg. Farið var í lágmarksframkvæmdir og húsnæðið var afhent samfélaginu til afnota með lágmarksbúnaði. Húsnæðinu og starfseminni er ætlað að þróast og mótast af þörfum notenda.

 

Almennar fyrirspurnir sendast á húsráð sem hefur umsjón með starfsemi eftir að starfi skólans og félagsmiðstöðvar lýkur. Einnig má hafa samband í gegnum fésbókarsíðu Spennistöðvarinnar.

 

Foreldrar í Austurbæjarskóla hafa forgang á þriðjudögum og fimmtudögum 17.00-22.00. Foreldrar hafa verið duglegir að nýta sér húsnæðið ýmist fyrir bekkjarkvöld, bekkjarafmæli, fjáraflanir og m.fl. Haldnar hafa verið tískusýningar, tónleikar, dansæfingar sem tengist íbúum og ungmennum í hverfinu.

 

Foreldrar sem vilja halda afmæli fyrir bekkinn eða halda bekkjarkvöld eða skemmtun fyrir árganginn, hafðið samband við Friðmey, fridmey.jonsdottir@reykjavik.is.

Austurbæjarskóli hefur afnot af húsnæðinu á skólatíma frá 8-14.10. Skólinn hefur nýtt Spennistöðina fyrir hreyfistundir, íþróttakennslu og Ef þú ert að hugsa um afnot eða samstarf á skólatíma, hafðu samband við Pétur tónmenntakennara petur.hafthor.jonsson@reykjavik.is

Viltu hjálpa til?

Viltu hjálpa til?

Getur þú orðið að liði?  Sendu okkur línu á spennistodin@gmail.com

Ráðgjafar og bakhjarlar spennistöðvarinnar. Ertu arkitekt, innanhúshönnuður eða ljósahönnuður. Grafískur hönnuður eða vefari ? Ertu tækni- eða hljóðmaður? Megum við leita til þín, hafa þig á lista yfir bakhjarla spennistöðvarinnar ?

Hugmyndavinna um nýtingu og skipulagninu rýmis. Starfsfólk félagsmiðstöðvarinnar hefur áhuga á því að koma á hugmyndavinnu með krökkunum varðandi frekari nýtingu og skipulagningu rýmisins. Einnig þarf að koma upp vel hönnuðu, einföldu og aðgengilegu geymslurými með hillum og skápum á hjólum fyrir tæki og tól sem eru notuð eru í námi og skapandi starfi með nemendum. Við óskum samstarfi við sérfræðinga úr hópi foreldra um þessa hugmyndavinnu.

Smiðjur í Spennistöðinni. Kanntu eitthvað sem þú getur kennt öðrum ? Ertu til í að deila þekkingu þinni eða reynslu með nemendum, öðrum íbúum og fjölskyldum í hverfinu og nýta Spennistöðina til smiðjuvinnu og samveru með öðrum miðbæjarbúum?

Ertu aflögufær eða í góðum samböndum við fyrirtæki, stofnanir eða félagasamtök sem eru að minnka við sig, endurnýja búnað eða eru kannski til í að styðja við uppbyggingu Spennistöðvarinnar ?

Sagan

Sagan

Loksins félagsmiðstöð !

Aðgerðarhópur var stofnaður í fundarherbergi Austurbæjarskóla í árslok 2009 með það að markmiði að vekja athygli á áratuga aðstöðuleysi skólans og félagsmiðstöðvarinnar. Eldri hugmyndir um nýtingu Vörðuskóla fyrir skóla- og frístundastarf höfðu verið slegnar af og engar nýjar tillögur bárust. Hópurinn ákvað að rifja upp hugmynd um nýtingu spennistöðvarinnar og kynna hugmyndina um uppbyggingu félags- og menningarmiðstöðvar, samnýtingu skóla-, frístundar og íbúa á þessu húsnæði. Ekki átti að fara í “2007” framkvæmd, heldur leyfa húsnæðinu að þróast og mótast af þörfum notenda hússins, byggja það upp í áföngum. Komið yrði á öflugu samstarfi einstaklinga og stofnana um samnýtingu húsnæðis og búnaðar í þágu barna, ungmenna og annarra íbúa hverfisins.

Haldin voru málþing með fyrrverandi og núverandi nemendum, og íbúaþing í Tækniskólanum í samstarfi íbúasamtaka, hverfisráðs og foreldrafélaga leik- og grunnskóla í hverfinu. Fulltrúar foreldra og íbúa sendu ótal erindi og kynntu ráðamönnum málið. Úttekt á húsnæðinu var gerð 2010 og starfshópur Í.T.R. skilaði greinagerð árið 2011. Hugmyndin var valin efst í sínum flokki á samráðsvefnum Betri Reykjavík árið 2012 og var fyrst úhlutað fjármagni á framkvæmdáætlun ársins 2013. Útbúin var skýrsla um spennistöðina þar sem lögð var áhersla á samnýtingu skólans og félagsmiðstöðvar á húsnæðinu ásamt því að þar gæti farið fram starfsemi á vegum íbúa í hverfinu. Farið yrði í lágmarksaðgerðir í fyrsta áfanga og lögð áhersla á fjölnota sal, framkvæmdir við húsnæðið ættu að taka mið af óskum notenda.  

Í lok árs 2013 voru framkvæmdir hins vegar ekki hafnar og fóru nemendur, kennarar, foreldrar, starfsfólk 100og1 og íbúar í mikla kröfugöngu frá Skólavörðuholti og niður í Ráðhús til fylgja málinu eftir. “Þið fáið félagsmiðstöð” sagði þáverandi borgarstjóri, Jón Gnarr og Spennistöðin var formlega opnuð 28. nóvember 2014 við hátíðlega athöfn.

Hvaða hús er þetta eiginlega ?

Spennistöðin er húsnæði sem lengi hafði staðið autt og var áður í eigu Rafmagnsveitu Reykjavíkur, síðar Orkuveitu Reykjavíkur. Spennistöðin var byggð árið 1949 og eftir að ný spennistöð var reist við hlið Heilsuverndarstöðvarinnar var húsnæðið um árabil notað sem varahlutalager Orkuveitu Reykjavíkur. Sú notkun sem hafði í för með sér talsverða umferð þungavinnutækja sem féll mjög illla að staðsetningu hússins við skólann. Reykjavíkurborg keypti síðan spennistöðina af Orkuveitu Reykjavíkur.

Hvatningarverðlaun til Spennistöðvarinnar

Nemendafélag og foreldrafélag Austurbæjarskóla hlutu þann 20. maí 2015 hvatningarverðlaun Heimilis og skóla fyrir baráttu sína fyrir bættum aðstæðum nemenda, barna og ungmenna í íbúahverfinu Miðborg. Fulltrúar nemenda, foreldra og skólans mættu saman á hátíðlega stund í Þjóðmenningarhúsi. Félögin fengu fallegan blómvönd sem starfsmenn skólans fengu að njóta, inneignarnótu í IKEA sem nemendafélagið fékk til ráðstöfunar, glerstyttu og viðurkenningarskjal. (hér mætti setja inn mynd af verðlaunaafhendingunni)

Húsráð

Húsráð

Húsráðið er skipað níu manns til tveggja ára eða á meðan tilraunatímabilinu stendur. Húsráðið útbjó stefnu Spennistöðvarinnar, manifestó sem var lögð fyrir borgarráð og vinnur samkvæmt henni. Húsráðinu er ætlað að ákveða nýtingu og starfsemi á lausum tímum og vera ráðgefandi varðandi skipulag, hönnun og framkvæmd við húsið.

Húsráðið skipa:

  • Benóný Ægisson (fulltrúi íbúa)
  • Eyja Gunnlaugsdóttir (fulltrúi nemenda)
  • Dagmar Óladóttir (fulltrúi ungmenna)
  • Hildur Sveinsdóttir (fulltrúi foreldra)
  • Friðmey Jónsdóttir (fulltrúi félagsmiðstöðvar)
  • Hrólfur Eyjólfsson (fulltrúi nemenda)
  • Jóhann Páll Einarsson (fulltrúi ungmenna)
  • Lóa Auðunsdóttir (foreldri og fulltrúi hinna skapandi greina)
  • Pétur H. Jónsson (fulltrúi skólans).

Leigusamningur

vegna afnota utanaðkomandi aðila

Hlaða skjali

Gátlisti

varðandi frágang í Spennistöðinni

Hlaða skjali

Húsreglur

Spennistöðvarinnar

Hlaða skjali
Contact Us

We're not around right now. But you can send us an email and we'll get back to you, asap.

Not readable? Change text.