Starfsmannaferð félagsmiðstöðva Tjarnarinnar

Starfsfólk félagsmiðstöðva Tjarnarinnar fór á dögunum í starfsmannaferð út fyrir borgarmörkin. Markmið ferðarinnar var að dýpka þekkingu starfsfólksins á hlutverki sínu, bjóða nýtt starfsfólk velkomið til starfa og hrista hópinn saman. Hópurinn fræddist um forvarnargildi félagsmiðstöðvastarfs og mikilvægi markvissrar vinnu til að bregðast við áhættuhegðun. Auk þess lærði starfsfólkið nokkra nýja leiki til nota í starfi með börnum og unglingum. Að lokum útbjó starfsmannahópur hverrar félagsmiðstöðvar vinnustaðasáttmála með það að leiðarljósi að stuðla að góðum starfsanda og uppbyggilegu starfsumhverfi í félagsmiðstöðvum Tjarnarinnar. Starfsfólk félagsmiðstöðvanna er því vel undirbúið til að stýra metnaðarfullu frístundastarfi fyrir börn og unglinga í félagsmiðstöðvum Tjarnarinnar í vetur.