Menntastefna Reykjavíkur til 2030 og Framtíðarskólinn
Það verður opinn fundur frístundaráðs í Tjarnarsal Ráðhúss Reykjavíkur fimmtudaginn 6. desember kl. 15-17. Allir þeir sem hafa hug á að kynna sér og ræða menntstefnu Reykjavíkur og framtíðarskólann eru hvattir til þátttöku.
Þeir sem hafa áhuga mega gjarnan skrá sig á viðburðinn hér – allir velkomnir: https://www.facebook.com/events/275784819948586/
- Menntastefna ReykjavíkurBorgar til 2030
Skúli Helgason, formaður skóla- og frístundaráðs Reykjavíkur.
Borgarstjórn hefur samþykkt Menntastefnu Reykjavíkurborgar til ársins 2030. Tilgangur stefnunnar er að ná víðtækri samstöðu um framtíðaráherslur í skóla- og frístundastarfi í Reykjavík og forgangsraða mikilvægustu umbótaverkefnum. Markmið stefnunnar er að valdefla börn og ungmenni með því að styrkja grundvallar hæfniþætti sem skólasamfélagið í borginni hefur sett í forgang. En hverjar eru framtíðaráherslur í menntun barna og helstu forgangsverkefni?
- Sjónarhorn foreldra og nemenda á menntastefnuna
Fulltrúi foreldra
Fulltrúi Reykjavíkurráðs ungmenna
- Framtíðarskólinn
Helgi Grímsson, sviðsstjóri skóla- og frístundasviðs Reykjavíkurborgar.
Með nýrri menntastefnu til 2030 skapast möguleikar í skóla- og frístundastarfi, sem gætu haft áhrif á skólagerðir og áform um byggingar skóla í nýjum hverfum. Fer vel á því að hafa saman í einum skóla leikskóla, yngsta stig grunnskóla og frístundaheimili sem veita börnum heilsdags, heilsárs þjónustu? Er betur hægt að koma til móts við fjölbreyttar menntunar- og félagsþarfir 10-15 ára barna með því að hafa þennan aldurshóp í sérstöku skólahúsnæði?
- PALLBORÐ OG UMRÆÐUR
Þátttakendur í pallborði:
Skúli Helgason, formaður skóla- og frístundaráðs
Valgerður Sigurðardóttir, fulltrúi í skóla- og frístundaráði
Helgi Grímsson, sviðsstjóri skóla- og frístundasviðs
Vanda Sigurgeirsdóttir, lektor á menntavísindasviði Háskóla Íslands
Magnús Þór Jónsson, skólastjóri Seljaskóla
Þrúður Hjelm, skólastjóri Krikaskóla í Mosfellsbæ
Fundarstjóri er Fríða Bjarney Jónsdóttir, deildarstjóri nýsköpunarmiðju menntamála hjá skóla- og frístundasviði.