Connection Information

To perform the requested action, WordPress needs to access your web server. Please enter your FTP credentials to proceed. If you do not remember your credentials, you should contact your web host.

Connection Type

Frístundaheimilið Undraland

Frístundaheimilið Undraland hefur umsjón með skipulagðri tómstundadagskrá fyrir börn í 1. – 2. bekk í Grandaskóla. Gengið er inn í Undraland Rekagrandamegin. Dagskrá hefst við lok venjulegs skóladags, kl. 13:40 og lýkur kl. 17:00.

Forstöðumaður er Eyrún Eva Haraldsdóttir: 695-5054, eyrun@rvkfri.is

Aðstoðarforstöðumaður er Guðrún María Ingólfsdóttir:
gudrun.maria.ingolfsdottir@rvkfri.is

Frístundaráðgjafi í 100% starfi, sem sinnir félagsfærniverkefnum, er Aldís Garðarsdóttir:
aldis@rvkfri.is

—————

Undraland, after-school program

Undraland is an after-school program for children in 1st and 2nd grade in Grandaskóli (entrance is on Rekagrandi). The program begins at the end of a regular school day at 1:40pm and ends at 5pm.

Director is Eyrún Eva Haraldsdóttir: 695-5054, eyrun@rvkfri.is

Assistant director is Guðrún María Ingólfsdóttir: gudrun.maria.ingolfsdottir@rvkfri.is

Leisure consultant in a full time jobb, that takes care of social learning projects, is Aldís Garðarsdóttir: aldis@rvkfri.is

Starfsmenn / Employees

Starfsmenn

  • Eyrún Eva Haraldsdóttir
    Eyrún Eva Haraldsdóttir Forstöðumaður / Director
  • Guðrún María Ingólfsdóttir
    Guðrún María Ingólfsdóttir Aðstoðarforstöðumaður / Assistant director
  • Aldís Garðarsdóttir
    Aldís Garðarsdóttir Frístundaráðgjafi í 100% starfi - sinnir félagsfærniverkefnum / Leisure consultant in a full time job - takes care of social learning projects
  • Ellert Björgvin Schram
    Ellert Björgvin Schram Frístundaráðgjafi, umsjón með siðfræðiverkefnum
    Aðgerðaráætlun / Action plan

    Aðgerðaráætlun 2019-2020.

    Ágúst
    – fyrstu kynni við börn og foreldra og kynning á starfinu. 

    Eftir fyrstu tvær vikur vetrarstarfsins ættu starfsmenn að þekkja öll börn með nafni.

    Fyrstu tvær vikurnar þarf að leggja áherslu á gott upplýsingaflæði til foreldra, einkum og sér í lagi foreldra barna sem eru að byrja í Undralandi. Hefðbundin dagskrá og áhersluþættir í starfinu eiga að liggja fyrir. Þá er ekki síður mikilvægt að starfsmenn Undralands gefi sér tíma til að staldra aðeins við og spjalla við foreldra sem eru að sækja börnin sín, svo góð kynni myndist.

    Á samverustundum er lögð áhersla á gleði, vináttu og samheldni. Styrkja verður þá tilfinningu barnanna að Undraland sé þeirra staður.

    Einnig verður lögð áhersla á að þau börn sem voru áður í Undralandi séu ánægð með að vera komin aftur.

    Helstu dagsetningar:

    7. ágúst: Sumarfrístund hefst aftur eftir sumarlokun.

    15. ágúst: Bókin „Velkomin í frístundaheimilið þitt“ send út. Bókin leiðir börn sem byrja í 1. bekk í gegnum dagsskipulagið í frístundaheimilinu og býður þau velkomin.

    20. ágúst:
    Síðasti dagur sumarfrístundar.

    21. ágúst: Starfsdagur frístundaheimila Tjarnarinnar – Lokað í Undralandi.

    22. ágúst: Skólasetning Grandaskóla – Lokað í Undralandi.

    23. ágúst: Fyrsti dagur vetrarfrístundar fyrir börn í 2. bekk sem hafa fengið samþykkt pláss.

    26. ágúst: Fyrsti dagur vetrarfrístundar fyrir börn í 1. bekk.

    ———-

    September
    – klúbba- og smiðjustarf og formleg foreldrakynning.

    Þegar starf Undralands er komið í fastar skorður hefst klúbba- og smiðjustarf í Undralandi.

    Í september er öllum foreldrum boðið á kynningu á starfsemi Undralands.

    Í september er óskað eftir samstarfi við foreldrafélag skólans.

    Helstu dagsetningar:

    16. – 20. september: Hreysti- og vellíðunarvika Tjarnarinnar. Þetta er fyrsta þemavikan af mörgum.

    18. september: Foreldrakynning í Undralandi á milli 17:15 og 18:00.

    ———-

    Október
    – Siðfræðikennsla, Vísinda- og tilraunavika og vetrarfrí.

    Í Undralandi fer fram siðfræðikennsla á samverustundum. Börnunum eru kynnt hugtök og tæki sem geta hjálpað þeim við að rækta mannkosti sína. Í október er börnunum kennt hugtakið „dyggð“ og að leysa félagslegar uppákomur með því að spyrja: Hvað myndi besta útgáfan af mér gera?

    Helstu dagsetningar:

    1. október: Heill dagur í Undralandi vegna foreldraviðtala í Grandaskóla. Skrá þarf sérstaklega fyrir þennan dag.

    14.-18. október: Vísinda- og tilraunavika.

    24., 25. og 28. október: Haustfrí/Vetrarleyfi. Lokað í Undralandi.

    24. október: Fjölskylduviðburður í haustfríi/vetrarleyfi á vegum Tjarnarinnar.

    31. október: Hrekkjavaka.

    Foreldrar fá formlegt boð um að bóka foreldraviðtal.

    ———-

     Nóvember:
    – Siðfræðikennsla, Barnasáttmálavika og undirbúningur fyrir jólamarkað.

    Siðfræðikennsla heldur áfram og í nóvember er áhersla lögð á hugtakið „umhyggja“ og mikilvægi þess að rækta góð sambönd við fólk. Börnin læra að spyrja sig: Hvað gæti ég gert til að styrkja sambönd mín við aðra?

    Undirbúningur fyrir jólamarkað í desember hefst.

    Helstu dagsetningar:

    6. nóvember: Heill dagur í Undralandi vegna starfsdags kennara í Grandaskóla. Skrá þarf sérstaklega fyrir þennan dag.

    18. – 22. nóvember: Barnasáttmála- og réttindagönguvika. Vikan haldin í tilefni afmælis Barnasáttmála Sameinuðu þjóðanna og til að minna börn á réttindi sín.

    22. nóvember: Réttindaganga 2. bekkjar. Börn í 2. bekk ganga fylktu liði á fund fyrirmanna í lögreglufylgd. Þau minna þá og aðra borgarbúa á að börn eigi lögvarinn rétt.

    Foreldraviðtöl í Undralandi.

    ———–

    Desember
    – Siðfræðikennsla, jólamarkaður og jólafrí.

    Í siðfræðikennslu desembermánaðar verður lögð áhersla á hugtakið „samfélag“. Börn læra hvað það þýðir að búa í samfélagi og um mikilvægi þess að allir fylgi sömu reglum. Þau læra að spyrja sig: Hvað myndi ég gera ef allir vissu hvað ég væri að gera?

    Helstu dagsetningar:

    5. desember: Jólamarkaður fjölskyldunnar í Tjörninni.

    24., 25., 26. og 31. desember: Jólafrí. Lokað í Undralandi.

    23., 27. og 30. desember: Heilir í dagar í Undralandi vegna jólaleyfis. Skrá þarf sérstaklega á þessa daga.

    ———–

    Janúar
    – Siðfræðikennsla, foreldraviðtöl og nýir klúbbar/smiðjur.

    Hugtak siðfræðikennslu í janúar er „hamingja“. Börnin læra að spyrja sig: Hvað gæti ég gert til að auka hamingju sem flestra?

    Klúbbastarf hefst að nýju og nýir klúbbar verða kynntir til sögunnar. Eftir jólafrí fer starfið rólega af stað og áhersla lögð á að allir samræmist rútínu Undralands á ný.


    Helstu dagsetningar:

    1.janúar: Lokað í Undralandi.

    2. janúar: Heill dagur í Undralandi vegna jólaleyfis og starfsdags kennara. Skrá þarf sérstaklega á þessa daga.

    20. – 24. janúar: Vika fjölbreytileikans.

    31. janúar: Heill dagur í Undralandi vegna starfsdags kennara.

    ————

    Febrúar
    – Siðfræðikennsla, fjölmiðlalæsisvika, vetrarfrí og skráning vegna næsta skólaárs.

    Í febrúar verður farið í hugtakið „frelsi“ í siðfræðikennslu Undralands. Börnin læra að spyrja sig: Hvað gæti ég gert til að hámarka frelsi sem flestra?

    Skráning í frístund vegna skólaársins 2019-2020 er í enda febrúar.

    Helstu dagsetningar:

    5. febrúar: Heill dagur í Undralandi vegna foreldraviðtala í Grandaskóla. Skrá þarf sérstaklega á þennan dag.

    17. – 21. febrúar: Miðlalæsisvika.

    26. febrúar: Öskudagur.

    28. febrúar – 2. mars. Vetrarleyfi. Lokað í Undralandi.

    28. febrúar – Fjölskylduviðburður í vetrarleyfi í boði Tjarnarinnar.

    ———–

    Mars
    – Siðfræðikennsla og vika fjölbreytileikans.

    Siðfræðikennsla heldur áfram og verður áherslan á hugtakið „skylda“ með því að fjalla um mikilvægi þess að vera fyrirmynd. Börnin læra að spyrja sig: Hvað myndi ég gera ef ég þyrfti að vera öðrum til fyrirmyndar?

    Helstu dagsetningar:

    2. mars: lokað vegna vetrarleyfis.

    23. – 27. mars: Nýsköpunar- og hönnunarvika.

    —————

    Apríl
    – Páskafrí og Barnamenningarhátíð.

    Undraland býður upp á dagskrá þá daga sem skólinn er lokaður í páskafríi. Skrá þarf sérstaklega fyrir þessa daga. Undraland er hins vegar lokað á hátíðisdögum.

    Barnamenningarhátíð er haldin hátíðleg í Reykjavíkurborg í enda apríl. Undraland tekur þátt í hátíðarhöldunum, fer á viðburði og/eða býður heim.

    Í apríl er einnig kynning á sumarstarfi Undralands og skráning í sumarfrístund hefst.

    Helstu dagsetningar:

    6., 7. og 8. apríl: Heilir dagar í Undralandi vegna páskaleyfis. Skrá þarf sérstaklega fyrir þessa daga.

    9., 10. og 13. apríl: Páskafrí. Lokað í Undralandi.

    14. apríl: Heill dagur í Undralandi vegna starfsdags kennara í Grandaskóla. Skrá þarf sérstaklega fyrir þennan dag.

    23. apríl: Sumardagurinn fyrsti. Lokað í Undralandi.

    ———–

    Maí
    – Útivera og kassabílarallý

    Í maí er lögð mikil áhersla á útiveru í Undralandi. Farið verður í hjóla- og fjöruferðir og útidagar verða á blíðviðrisdögum.

    Hið árlega kassabílarallý frístundaheimilanna fer fram á Ingólfstorgi 29. maí. Börnin æfa snerpu og leikni í margar vikur fyrir viðburðinn, föndra búninga og eru hluti af árlegu kassabílarallýsmyndbandi. 2. bekkur tekur þátt í rallýinu en 1. bekkur skipar stuðningsliðið.

    Helstu dagsetningar:

    1.maí: Verkalýðsdagurinn. Lokað í Undralandi.

    12. maí: Heill dagur í Undralandi vegna starfsdags kennara í Grandaskóla. Skrá þar sérstaklega fyrir þennan dag.

    21. maí: Uppstigningadagur. Lokað í Undralandi.

    29. maí: Kassabílarallý 1. og 2. bekkjar á Ingólfstorgi

    ————-

    Júní
    – Vetrarstarfi lýkur og sumarfrístund hefst.

    Skólaslit eru 5. júní. Lokað er í Undralandi þann dag, en einnig 4. júní vegna starfsdags. Sumarfrístund hefst þriðjudaginn 8. júní. Skrá þarf sérstaklega í sumarfrístund Undralands 2019.

    1. júní: Annar í hvítasunnu – Lokað í Undralandi.

     4. júní: Starfsdagur. Lokað í Undralandi.

    5. júní: skólaslit. Lokað í Undralandi.

    8. júní: Sumarfrístund hefst.

    ————-

    Júlí

    Undraland er lokað í fjórar vikur yfir sumarið.

    Verkefni / Projects

    Félagsfærni

    Undraland hefur uppeldismenntaðan starfsmann í fullri stöðu sem hefur það hlutverk að efla félagsfærni barna í samstarfi við Grandaskóla, umsjónarkennara í 1. og 2. bekk og foreldra.

    Markmiðið með starfinu er fyrst og fremst að efla félagsfærni barnanna með verkefnum sem efla jákvæða sjálfsmynd þeirra og samskipti. Verkefnin eru unnin að hluta til á skólatíma og að hluta til á tíma frístundar. Starfið er tiltölulega nýtt og mun því vera í þróun hér í Undralandi skólaárið 2019-2020.

    ————-

    Siðfræði

    Á samverustundum fer fram siðfræðikennsla einu sinni í mánuði. Á einu skólaári eru teknar fyrir 7 helstu siðfræðistefnurnar síðustu 2.500 árin eða svo á barnamáli. Inntak þeirra er kynnt í formi spurninga sem börnin eru hvött til að svara í mismunandi félagslegum aðstæðum. Allar spurningar veita ekki alltaf bestu mögulegu svörin en með því að spyrja sig þessara spurninga fá börnin aðgang að mismunandi sjónarhornum sem hægt er að grípa til í uppákomum hins daglega starfs. Markmið siðfræðikennslunnar er valdefling barnanna. Spurningarnar eru verkfæri sem gera þeim kleift að taka virkari þátt í því að leysa ýmsan samskiptavanda. Í stað þess að starfsmaður bjóði lausn á vandanum er barnið hvatt til að finna lausnina sjálft.

    Hvað ætti ég að gera til að fá það sem ég vil? (Sjálfselskukenningin)

    Hvað myndi besta útgáfan af mér gera? (Aristótelísk dyggðafræði)

    Hvað ætti ég að gera til að auka hamingju sem flestra? (Nytjastefna)

    Hvað myndi ég gera ef allir vissu hvað ég væri að gera? (Samfélagshyggja Humes)

    Hvað ætti ég að gera til að styrkja sambönd mín við aðra? (Umhyggjusiðfræði)

    Hvað ætti ég að gera til að hámarka frelsi sem flestra? (Tilvistarspeki)

    Hvað myndi ég gera ef ég þyrfti að vera öllum til fyrirmyndar? (Kantísk skyldusiðfræði)

    ————-

    Vináttugreining

    Að minnsta kosti einu sinni á önn er gerð vináttugreining til að fá skýra mynd af félagslegri stöðu allra barna í Undralandi. Hún fer þannig fram að allir starfsmenn kortleggja vináttutengsl barnanna til að sjá hvaða félagslega flokki þau lenda í samkvæmt greiningarlíkani Terry og Coie (1991). En tekið skal fram að óformleg greining af þessu tagi fer fram vikulega á starfsmannafundum. Um er að ræða fimm flokka:

    Meðalbörn

    Börn sem oft eru í jafningjaleik við önnur börn. En það er nóg að eiga einn góðan vin eða eina góða vinkonu til að flokkast sem meðalbarn.

    Vinsæl börn

    Vinamörg börn. Önnur börn líta jafnframt upp til þeirra.

    Einmana (týnd) börn

    Börn sem sjaldan eða ekki eru í jafningjaleik við önnur börn. Önnur börn spyrja ekki eftir þeim.

    Útskúfuð börn

    Vinalaus börn með slæmt orðspor í barnahópnum. Oft eiga þessi börn við hegðunarvanda að stríða.

    Umdeild börn

    Börn sem eiga vini eða vinkonur en sem jafnframt eru með slæmt orðspor í barnahópnum.

    Við viljum auðvitað ekki að nokkuð barn sé einmana, útskúfað eða umdeilt í barnahópnum en komi sú staða upp gerum við einstaklingsáætlun fyrir viðkomandi barn í samráði við foreldra til að bæta stöðu þess.

    Heimild: Terry & Coie (1991). A Comparison of Methods for Defining Sociometric Status Among Children. Developmental Pychology, 27, 867-880.

    ————-

    Tilfinningalæsi

    Í Undralandi ræðum við oft um tilfinningar, hvenær okkur þykir erfitt að tjá þær og hvað getur hjálpað okkur við að segja hvernig okkur líður (og hvernig öðrum líður). Í Undralandi hanga uppi spjöld sem sýna mismunandi svipbrigði og tilfinningar og hægt er að vitna í í daglegur tali í Undralandi.

    ————

    Barnalýðræði

    Í Undralandi er barnalýðræði. Það felst meðal annars í því að börnin velja í hvað þau verja frítíma sínum og hafa val um hvaða viðfangsefni þau sinna. Undralandi geta börnin lagt fram hugmyndir sínar og átt þátt í að móta starfið í frístundaheimilinu, bæði hversdagslega og með því að setja hugmyndir sínar í hugmyndakassa sem staðsettur er í listastofu frístundaheimilisins.

    ————

    Réttindafrístund

    Undraland er í vegferð að verða réttindafrístund UNICEF. Að vera réttindafrístund felur í sér innleiðingu Barnasáttmálans og að hann verði lagður til grundvallar í öllu starfi frístundaheimilsins. Þannig er meðvitund barnanna um réttindi sín aukin, þátttaka þeirra við mótun starfsins aukin og áhersla á jafnrétti og lýðræði.

    Skoðið endilega meira um verkefnið hér: https://unicef.is/rettindaskoli

    ————

    Opinskátt gegn ofbeldi

    Undraland hefur haldið áfram verkefni sem frístundaheimilið vann árið 2015 í samstarfi við Grandaskóla og leikskólann Gullborg, en verkefnið hlaut hvatningarverðlaun skóla- og frístundaráðs Reykjavíkurborgar það ár.

    Verkefnið felst í að við ræðum um birtingarmyndir ofbeldis við börnin; líkamlegt ofbeldi, andlegt ofbeldi, kynferðislegt ofbeldi (einkastaði) og vanrækslu. Í umræðunni leggjum við mikla áherslu á hvert þau geta leitað ef þau verða fyrir eða vitni að ofbeldi – og að ofbeldi sé aldrei þolandanum að kenna. Notast er við myndir sem börnin eiga að leggja mat á og er umræðan alltaf á þeirra forsendum.

    Plaköt hanga uppi í Undralandi með leiðbeiningum um hvað börnin geta gert ef þau verða fyrir eða vitni af obeldi.

    Ef þið viljið skoða efnið meira, þá getið þið notast við þennan link á vef Reykjavíkurborgar – þar eru myndirnar allar og hvað við tölum um við hverja mynd, ásamt skýrslum og efni um verkefnið: https://reykjavik.is/opinskatt-um-ofbeldi

    ————

    Miðlalæsi

    Í Undralandi vinnum við með miðlalæsi og gagnrýna hugsun á það sem við sjáum og heyrum. Við notumst við leiðbeiningar um þau tæki sem gefa okkur upplýsingar; bækur, tölvur, síma, sjónvörp, útvörp, i-Pada o.fl., en með því læra börnin hvernig á að umgangast nútímatækni. Við tölum einkum um þrjá flokka miðla: stjórnandi, upplýsandi og afþreyingargildi – og ræðum hvaða upplýsingar við erum að fá og hvers vegna.

    Leiðarljós og gildi / Guiding lights

    Markmið Undralands eru í raun tvíþætt:

    Í fyrsta lagi að bjóða upp á skipulagða og metnaðarfulla tómstundadagskrá þar sem allir geta fundið eitthvað við sitt hæfi og hver einstaklingur fær að njóta sín.

    Í öðru lagi er markmiðið að bjóða börnum upp á skemmtilegan og öruggan stað að leika sér á meðan foreldrar sinna öðru. Eins að foreldrar geti verið vissir um að eftirlit með börnunum sé skilvirkt og faglegt en þó á mannlegum nótum.

    Í Undralandi leitast starfsfólk við að leiðbeina börnunum í leikjum og ýmiss konar verkefnum, þar sem áhersla er lögð á samvinnu, vinskap og skemmtun.

    Félagsfærni / Social skills

    Frístundafræðingur hefur umsjón með félagsfærniverkefnum í samvinnu við annað starfsfólk frístundaheimila, starfsfólk grunnskóla, foreldra, og börnin sjálf. Markmiðið með verkefnunum er að greina styrkleika barnanna og efla félagslega virkni þeirra og umhyggju, vinna gegn félagslegri einangrun og neikvæðri hegðun, og stuðla að góðum samskiptum og upplýsingaflæði milli hlutaðeigandi aðila.

    Frístundafræðingur Undralands er Aldís Garðarsdóttir.

    Heilir dagar

    Heilir dagar (lengd viðvera) í Undralandi eru á viðtalsdögum Grandaskóla, starfsdögum kennara og virkum dögum í jóla- og páskafríum.

    Athugið að lokað er í frístundaheimilinu í haust- og vetrarfríum.

    Skrá þarf börnin sérstaklega á þessa daga. Skráning fer fram í gegnum Rafræna Reykjavík.

    Hægt er að velja hvort börnin eru allan daginn eða hálfan. Greitt er fyrir viðbótarvistun fyrir hádegi þessa daga. Sjá gjaldskrá hér. Ef börn vilja mæta á sínum tíma, 13:40-17:00 þarf ekki að borga aukalega fyrir vistun. Hins vegar þarf að skrá börnin. Frístundaheimilið er mannað eftir fjölda barna og vöktum breytt í samræmi við fjölda barna yfir daginn.

    Á foreldraviðtalsdögum erum við alltaf í Undralandi svo auðvelt sé að ná í börnin til að fara með þau í viðtal. Á öðrum heilum dögum bjóðum við upp á ferð út fyrir frístundaheimilið. Börnin geta valið hvort þau fara með í ferðina eða leika í Undralandi yfir daginn.

    Börn þurfa að mæta klædd eftir veðri og með tvö nesti (morgun- og hádegisnesti). Enginn hádegismatur er í skólanum á þessum dögum. Undraland sér um síðdegishressingu eins og venjulega.

    Nú er opið er fyrir skráningar á heila daga fram yfir áramót 2020. Ath. að skráningu lýkur á þriðjudögum vikuna áður, á miðnætti (23:59), fyrir staka heila daga. Fyrir jólafrí og páskafrí lýkur skráningu fyrr.

    Heilir dagar í Undralandi 2019-2020.

    Haustönn:

    1. október vegna foreldraviðtala Grandaskóla (skráningu lýkur 24. september)

    6. nóvember vegna starfsdags kennara í Grandaskóla (skráningu lýkur 29. október)

    Jólafrí:

    23. desember (skráningu lýkur 10. desember)

    27. desember (skráningu lýkur 10. desember)

    30. desember (skráningu lýkur 10. desember)

    2. janúar (skráningu lýkur 10. desember)

    Röskun vegna óveðurs / Disruption due to weather

    Tilmæli um viðbrögð foreldra / forráðamanna barna í skólum og frístundastarfi

    Slökkviliði höfuðborgarsvæðisins (SHS) hefur verið falið af sveitarfélögunum á svæðinu að fylgjast með veðri og veðurspám og senda út tilkynningar ef á þarf að halda, eftir atvikum í samráði við lögreglu og fræðsluyfirvöld.

    Ábyrgð foreldra / forráðamanna

    Mikilvægt er að foreldrar/forráðamenn fylgist sjálfir með fréttum af veðri, veðurspám og öðrum upplýsingum sem gætu haft áhrif á skóla- og frístundastarf barna og bregðist við í samræmi við aðstæður hverju sinni. Aðstæður geta þróast með ófyrirséðum hætti og verið mismunandi eftir hverfum og svæðum.

    Skóla- og frístundastarf fellur ekki niður nema annað sé tilkynnt. Í upphafi skóladags getur tafist að fullmanna skóla og mega foreldrar þá búist við því að starfsfólk leiti liðsinnis þeirra. Foreldrar eru hvattir til að taka slíkum óskum vel.

    Foreldrar leggja ávallt sjálfir mat á það hvort fylgja þurfi barni í grunnskóla, óháð því hvort tilkynning hafi borist frá yfirvöldum. Meti foreldrar aðstæður svo að ekki sé óhætt að börn þeirra sæki skóla, skulu þeir tilkynna skólanum um það og lítur skólinn á slík tilvik sem eðlilegar fjarvistir. Sama gildir ef börn eða foreldrar lenda í vandræðum á leið sinni til skóla og verða frá að hverfa.

    Mikilvægt er að fólk fari ekki af stað til skóla eða vinnu ef það treystir sér ekki eða er vanbúið til farar, t.d. vegna vanbúinnar bifreiðar til vetraraksturs.

    Tilkynningar

    Tilkynningar eru settar fram í samvinnu við Veðurstofu Íslands og er þá viðvörunarkerfi hennar haft til hliðsjónar.

    Nánari upplýsingar.

    Hafi Veðurstofan gefið út gula, appelsínugula  eða rauða  viðvörun þá eru tilkynningar virkjaðar.

    Kappkostað er að senda tímanlega út tilkynningu um röskun á skóla- og frístundastarfi í samstarfi við útvarpsstöðvar og vefmiðla og er miðað við að þær berist eigi síðar en kl. 7 að morgni.

    Áríðandi er að foreldrar fylgist með tilkynningum og fari að tilmælum.

    Símkerfi skóla eru misvel undir það búin að anna miklu álagi og er foreldrum því bent á að fylgjast vel með veðri og tilkynningum og afla upplýsinga í fjölmiðlum, á vefsíðum skóla og slökkviliðsins (shs.is). Einnig má fá upplýsingar á Facebook-síðum Slökkviliðs höfuðborgarsvæðisins og Lögreglunnar á höfuðborgarsvæðinu.

    Foreldrar skulu ævinlega leita eftir staðfestum tilkynningum yfirvalda.

    Útsendar tilkynningar SHS eiga ávallt við um höfuðborgarsvæðið í heild, en aðstæður geta verið mismunandi eftir hverfum og bæjarhlutum.

    Tilkynningar verða eftirfarandi:

    1. Daginn áður vegna veðurspár (gul , appelsínugul   eða rauð  viðvörun fyrir daginn eftir).
      (Sé veður í lagi er sjaldnast send út tilkynning vegna þessa en ítrekað fyrir foreldrum að fylgjast
      með veðri).
    2. Að morgni dags vegna óveðurs eða færðar (gul , appelsínugul   eða rauð   viðvörun að morgni dags).
    3. Síðdegis ef veður hefur versnað meðan á skólahaldi/frístundastarfi stendur (gul , appelsínugul   eða rauð   viðvörun síðdegis).
    4. Að morgni dags ef óveður hamlar skólahaldi (rauð   viðvörun).

    Leiðbeiningar þessar eru ætlaðar „yngri börnum“ það er börnum yngri en 12 ára, athugið að hér er aðeins um viðmið að ræða sem er háð mati foreldra/forráðamanna.

    PRESS HERE FOR ENGLISH VERSION.

    Foreldrahandbók / Parents manual
    • Frístundaheimilið Undraland
    • Við Grandaskóla, Keilugranda 12, 107 Reykjavík
    • 411-5710 / 411-5711 / 695-5054
    • undraland@rvkfri.is
    Contact Us

    We're not around right now. But you can send us an email and we'll get back to you, asap.

    Ólæsilegt? Breyttu textanum. captcha txt