Frábær félagsmiðstöðvadagur að baki!
Hin árlega Félagsmiðstöðva- og ungmennahúsavika Samfés er haldin hátíðleg um land allt dagana 11.-15. nóvember. Félagsmiðstöðvar Tjarnarinnar stóðu að því tilefni fyrir glæsilegri dagskrá á Félagsmiðstöðvadaginn og buðu gestum og gangandi upp á vandræðavöfflur, kleinubar, köku, kaffi og ýmislegt fleira. Unglingarnir í Hinsegin félagsmiðstöð S78 og Tjarnarinnar buðu fjölskyldum sínum og öðrum gestum í heimsókn þriðjudaginn 12.nóvember. Unglingar í félagsmiðstöðvunum 100og1, 105, Frosti, Gleðibankinn og Hofið buðu fjölskyldum sínum og öðrum gestum í heimsókn miðvikudaginn 13.nóvember. Gríðarlegur fjöldi barna, unglinga og fjölskyldumeðlima mætti í hverja félagsmiðstöð og tóku þátt í fjölbreyttum og skemmtilegum viðburðum. Gestir fengu að prufa ýmsa fasta liði í félagsmiðstöðvastarfinu og aðra nýrri, til dæmis Hjartslátt, Kahoot, Twister, Ruslaskotið, Just Dance og Larp. Við þökkum öllum sem tóku þátt í gleðinni með okkur kærlega fyrir komuna og erum strax farin að hlakka til næst!