Foreldrum finnst félagsmiðstöðvastarf mikilvægt

 í flokknum: 100og1, 105, Birta á forsíðu, Félagsmiðstöðvar (10-16 ára), Frosti, Gleðibankinn, Hofið

 

Félagsmiðstöðvar Tjarnarinnar senda viðhorfskönnun til foreldra undir lok hverrar annar þar sem spurt er um helstu þætti tengt starfseminni. Rétt rúmlega 300 foreldrar svöruðu og kemur bersýnilega í ljós að mikil ánægja ríkir með starfsemi félagsmiðstöðvanna. Nánast hvert einasta foreldri sem tekur afstöðu um ánægju sína gagnvart starfi félagsmiðstöðvarinnar er ánægt. Rúmlega 85% foreldra eru ánægðir með starf félagsmiðstöðvar en restin er hlutlausSömu sögu er að segja um ánægju með starfsfólkið, en allir sem taka afstöðu segjast ánægðir. Rétt rúmlega 80% foreldra eru ánægðir með starfsfólkið en restin er hlutlaus. Mögulega skýrist hlutleysi margra foreldra gagnvart starfsfólkinu með því að þeir hreinlega vita ekki hverjir eru að vinna í félagsmiðstöðinni. En einungis fjórðungur foreldra vita hverjir eru að vinna í félagsmiðstöð barnsins þeirra.

Þrátt fyrir að áberandi hluti foreldra sé hlutlaus er varðar starfið og starfsfólk félagsmiðstöðvanna þá ríkir töluvert mikil ánægja með upplýsingagjöf félagsmiðstöðvanna. Rétt tæp 90% eru ánægðir með upplýsingagjöf félagsmiðstöðvarinnar. Enda senda félagsmiðstöðvarnar upplýsingarnar reglulega út í gegnum tölvupóst og facebook en það eru einmitt þeir staðir sem foreldrar segjast helst vilja fá upplýsingarnar á.

Félagsmiðstöðvarnar reyna að beita allskonar leiðum til að vekja athygli á starfinu sínu og ein leiðin er að senda greinar og upplýsingar í hverfisblöðin. Ákveðinn skellur er að sjá að stór hluti foreldra segist ekki lesa hverfisblöðin en 47% foreldra svara því neitandi hvort að þeir lesi blöðin. Lítill hluti les blöðin að einhverju leiti og um það bil þriðjungur foreldra segist lesa hverfisblöðin.

Í viðhorfskönnuninni voru foreldrar einnig spurðir út í áhyggjuefni og hvað þeir væru ánægðastir með í umhverfi barna og unglinganna. Öll svörin eru greind niður á hverja félagsmiðstöð og munu félagsmiðstöðvar gera grein fyrir viðbrögðum við niðurstöðum könnunarinnar út frá hverri félagsmiðstöð. Ættu þau viðbrögð að hafa birst nú þegar.

Félagsmiðstöðvar Tjarnarinnar eru fimm talsins og í þeim starfa rúmlega 40 starfsmenn í allskonar starfshlutföllum. Yfir hverri félagsmiðstöð er forstöðumaður í fullu starfi auk aðstoðarforstöðumanns einnig í fullu starfi. Fjöldi og starfshlutfall annarra starfsmanna fer eftir fjölda barna og eðli starfseminnar. Höfuðmarkmið starfsins er að stuðla að því að börn og unglingar nýti frítíma sinn á uppbyggilegan hátt, enda er það eitt og sér stór verndandi þáttur í lífi barna. Þótti starfsfólki ánægjulegt að sjá foreldra sammála okkur um mikilvægi félagsmiðstöðvastarfsins en 97% foreldra telja starfið mikilvægt.

Nýlegar færslur
Contact Us

We're not around right now. But you can send us an email and we'll get back to you, asap.

Ólæsilegt? Breyttu textanum. captcha txt