Fjölskyldufjör í Vesturbæjarlaug

Haustfrís hátíð Tjarnarinnar í Vesturbæjarlaug fór fram úr öllum væntingum. Ókeypis var í sund kl. 14:00-16:00 og var fólk greinilega spennt að nýta sér það frábæra tækifæri. Metþátttaka var í spurningakeppninni ,,Synt og Svarað” þar sem börn og fullorðnir kepptust við að svara alls konar fjölbreyttum spurningum. Eftir að fólk var búið að ná sér niður eftir æsispennandi keppni tók við aqua zumba. Hún Helga leiddi dásamlega zumba æfingu í lauginni. Ungir sem aldnir tóku þátt og fengu frábæra útrás fyrir hreyfiþörfinni. Við í Tjörninni erum einstaklega ánægð með viðtökurnar og mjög þakklát fyrir hversu vel hátíðin gekk fyrir sig.