Félagsmiðstöðvadagurinn í dag (1. nóvember): ÖLL VELKOMIN

Félagsmiðstöðvar Tjarnarinnar halda félagsmiðstöðvadaginn hátíðlegan í dag 1. nóvember. Markmið dagsins er að vekja athygli á því fjölbreytta og metnaðarfulla starfi sem fram fer í félagsmiðstöðvum landsins, en Samfés (Samtök félagsmiðstöðva á Íslandi) hvetur allar félagsmiðstöðvar á landinu til að taka þátt í deginum undir myllumerkinu #okkarframtid. Foreldrum, aðstandendum og fyrrverandi unglingum og öllum áhugasömum er boðið að sjá hvað fer fram í félagsmiðstöðvunum um þessar mundir, hverjir eru að vinna í félagsmiðstöðvunum og gæða sér á kaffi og meððí.

Hofið mun opna húsið sitt milli 16:00 & 18:00, Frosti mun tvískipta dagskránni sinni annars vegar fyrir 10-12 ára frá 17:00-18:30 og hins vegar 13-16 ára frá 19:30-21:30. Gleðibankinn, 100og1 og 105 munu bjóða fólk velkomið milli 18:00 og 20:00. Nánari dagskrá er að finna á heimasíðum og facebooksíðum félagsmiðstöðvanna.